الأحد، مايو 03، 2009

انت مصري ... جوة غربة

احنا عارفين انت ايه

وانت مين

انت مصري وابن مصري مش ابن بيه

انت ملح الأرض ولولاك لن تكون

انت بسمة منورة جوة القلوب

مالية السما

وتجوب بلادنا بنورها طول ولا في عرض

والحيرة ليه من غربتك؟؟

كل الولاد اتغربوا

صبح النهار مليان شقا والليل أنين

وياسين يداري ف دمعته من غربته من قهرته

وبهية وسط الليل تنور شمعته

ما هو بكرة راجع... بكرة جايّ

من طرف شباكها بتبعت للقمر مليون جواب

تحكي .. تفضفض .. تنسج الأحلام

وحلم العمر دايما تبعته

يرجع ياسين

ولو رجع ... فكرك بهية هايلقى وسط الناس

مكان؟؟

مالهوش مكان غير السجون

علشان ما بس تصدقوا .. الموت حنون

ليه السجون؟

دا لأنه راجل ابن راجل عمره ما للغير يخون

ولا عمره ما يبيع مبدأه

ولا عمره يضحك ع الدقون

اسمع ياسين ... إياك تعود ... اهرب ياسين

الغربة أهون م الضياع او الجنون

....

....


وبهية لسة بتنتظر

الحلم يتحقق ويرجع لي ياسين

دمعتها تحرق خدها

وف قلبها

نفس الحنين

ليست هناك تعليقات: